Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens
(ca. 1625)–Anoniem Schoon suverlijck boeckxken–
AuteursrechtvrijOp de wijse, Het voer een Ruyterken uyt Bosschaeyen.Hoort al te samen die met Christum wil leven
Hoe dat Christus ghebenedijdt,
Om ons te verlossen so daer staet geschreven,
Ghegaen in den bitteren strijdt,
Als ons die Schriftuere belijdt,
Iudas waren dertigh penninghen ghegheven
Dat hy Christum soude leveren, des seker zijt.
Die Discipulen seyden tot Christum laet ons weten,
Waer dat ghy wilt dat wy sullen gaen
Het Paesch-lam bereyden, op dat ghy’t moegt eten
Om dat het al te samen soude zijn voldaen,
Twee Discipulen, hoort mijn vermaen
Ginghen in de Stadt ’t Paesch-lam bereyden,
Also sy van Christo hadden verstaen.
Des avonts als sy waren aen die tafel geseten
So dede Christus daer een vermaen,
Voorwaer segh ick u, ick laet u dat weten,
Een van u allen sal my verraen,
Een yeghelijck was met druck bevaen,
Elck seyde: ick’t Heere? laet ons dat weten,
| |
[pagina 75]
| |
Ende waren seer daer in belaen.
Iesus antwoorde, wilt my hooren spreken,
Hy is hier mede int ghetal,
Die met my zijn handt in die schotel sal steken,
Die ist die my verraden sal,
Ghelijck van hem voorschreven is, voor al,
Maer wee den mensch die comt in sulcx gebreken
Die den Sone des menschen leveren sal.
Ben ickt, Meester, heeft Iudas ooc gesproken
Christus sprack: ghy hebbet gheseyt,
Iesus nam dat broodt, ende hevet daer gebroken
Dat hy zijnen Discipulen heeft bereyt,
Neemt, eet, dat is mijn lichaem, voor u spijse bereyt
Danckende Godt schoon ontloken,
Des nieuwen Testaments in mijn bloet.
Christus gingh uyty na den bergh van Oliveten
Om dat al te samen soude zijn volbracht,
Hy sprack tot zijn Apostelen met woorden in secreten,
Ghy sult my versaken in deser nacht,
Petrus sprack een woort seer groot,
Al waert dat zy u al te mael verlieten
So en sal ick u niet af gaen tot in mijn doodt.
Iesus sprack: voorwaer, o vrient,
Wilt dit wel smaken,
Ten is niet u eyghen cracht,
Voorwaer segh ick u ghy sult my noch versaken,
Eer die Haen craeyt, drie mael van deser nacht
Drie Discipulen heeft hy met hem ghebracht,
Segghende: wilt nu een luttel met my maken,
Die ure comt, daer ick na heb ghewacht.
Een luttel voort, is Christus daer ghetreden
Van anghste sweete hy water ende bloet,
daer heeft hy sijnen Hemelschen Vader aengebeden
Ghestreckt op d’aerde met grooter ootmoet
Abba mijn Hemelsche Vader goet,
Van my neemt desen Kelck der bitterheden,
| |
[pagina 76]
| |
Maer Vader, uwen wille hier met my doet.
Dit was die ure die Christus sou maken,
Sijn Apostelen hy slapende vant,
Moeghdy nu niet een ure met my waken
Den gheest is willigh, maer ‘tvleesch is cranck,
Slaept ende rust nu vry en vranck,
Het is ghenoegh, die ure is ghecomen
Dat ick ghelevert sal worden eer yet lanck.
Aldus is Christus in den strijt ghecomen,
Die persse heeft hy alleene ghetreden,
En heeft aller weerelt zonden op zijn hals genomen,
End’ zijnen Vader ghestelt te vreden,
Door die bitter doot die hy heeft gheleden,
Laet ons hier op betrouwen, ‘tsal oins allen vromen
Ende betoonen dat wy een zijn van Christus leden.
|
|