Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

[p. 23]

Een schoon liedeken Van Maria.

Godt groet u roose van Iericho Maria,
Ontpluckt moeten wy wel wesen,
Ave Maria, tu es plena gratia.

Die met der Sonnen is gheleyt

die mane onder haer voeten spreydt.      Ave maria.

Die Sonne is den Heylighen Gheest

daer op ghy rust alder meest.      Ave Maria.

Die Mane is dat Kersten gheloove,

Daer op suldy rusten hooghe.      Ave Maria.

Ghy hebt ghestilt des Vaders tooren,

Dat Eva hadde verlooren.      Ave Maria.

Want ghy hebt ghebracht dat Gods Lam,

Dat onse zonden af-nam.      Ave Maria.

Godt groet u puerlijck der Princen Heere

daer is niemant in dan God alleene.      Ave Maria.

Ghy zijt een Arcke Gods groot,

Daer op ruste dat Hemelsch broot.      Ave Maria.

Ick bidde u Coninginne vrouwe,

Ic bidde u Maria uyt rechte trouwe.      Ave maria.

Dat ghy onsen lieven Heere

Bidden wilt dat hy ons van zonden keere.      Ave Maria.

Het sy Vrouwe oft Man,

Die dese woorden gheseggen can.      Ave Maria.

Dat hem Godt zijn Hemelrijck wil gheven,

Met dat Kindeken dat eeuwigh leven,      Ave Maria.