Dit is een schoon suverlijck boeckxken, in denwelcken ghy vinden sult veel schoone leysenen, ende gheestelijcke liedekens

[Doe Maria ghehouwet was]

Doe Maria ghehouwet was,
Ende men die schriftuere las
Wat seyde haer Man,
Ick sal u openbaren,
So ick can.

Ioseph op onser Vrouwen sagh

Ende was seer vervaert,
Ende hy en seyde niet,
hy peynsde, lieve Heere,
wat is my gheschiet.

Ioseph dacht in sijnen moet

dede hy haer schande, ten ware niet goed
Hy peynsde dat,
dat hy haer ontgaen woude,
In een ander stadt,

Daer Ioseph lagh en sliep

De heylighe Gheest hem aenriep
Dat was also
staet op, Davids sone,
Ende weest vro.

Ioseph en weest niet vertsaeght,

Dat kint dat Maria draeght,
dat is Gods kint,
die heylige Geest is in haer gecomen
En twijfelt niet.

En waer dat Kint noyt ghebooren,

Onse ziele waer verlooren
dat waer also
staet op Davids Sone,
Ende weest vro.