Van der besittinge des gudes dat enen manne gheven wort ende wo lange dat men dat guet waren sal. LXXIV. (III. 83.)
Wat men een man of wijf ghift dat sullen si besitten 2) drie daghen. Ende wort die besittinghe mit claghe ende mit recht ghevordert dattet gheervet is, des en dorven si niet besitten 3). Wie een goet te leen ghift of oplaet 4) enen anderen man, die sal daervoor waren 5) iaer ende dach. Wie eyghen guet of varende have vercoopt, die sal daervoor waren 6) die wile dat hi leeft 7). Men sal hem ooc dat goet laten in sinre were te behouden ende te verliesen, die wile dat hi daer voor staen sal, want diegheen dien dat ghegheven is, die en mach dat niet aenspreken dan an eenre gaven 8).
Auteursrecht onbekend