De Saksenspiegel in Nederland

Gheen man en moet ghenes anderen mannes gued onderwinden myt onrechte. Ende van andre saken. XLII. (III. 43.)

So wat hem een man onderwindet mit onrecht ende hem daerna mit recht ¹) of ghewonnen wort, dat moet hi mit bothen vri laten ²) ende weder gheven. Mer wat hi hem oec onderwindet mit eens anderen mans willen ³), dat also dat hi hem dat leende of te borghe doet, betaelt of en ghevet hi des ⁴) niet weder tot besceydenre tijt, so blijft hi des ⁵) sonder scaden, tensi dat hi dat voor gherichte ghelovet heb ⁶).

Mit bothen vri laten want bothen is ten hoochsten XXX scell. Sijn meninghe is, dat dese gheen bothe en verdient noch an sinen live noch aen sinen gude, want hi en mach daer over niet claghen, nadien dat hi dat niet drogentlyc noch rovelyc wt sinre were en brochte.
Tensi of hem die ander beclaghet heeft ende hem die rechter dat gheboden heeft dat hi dat weder gheve. Ghift hi dan dat niet, so brueket hi ende ghift den clagher daervoor bothen.