De Saksenspiegel in Nederland

Van den de sulver off ander penninge betalen sal wanneer he der scult vry wort. XXXIX. (III. 40 § 2.)

Wie sulver of penninghen ¹) enen anderen betalen sal, biedet hi daer have voor, so en is hi daermede niet vri, tensi dat hoor ghelofte also sta ²). Men moet sulver oec wael betalen met boden, mer ghenen boden en salmen dat gheven ³), tensi dat hi daer toe besceiden si voor gherichte, anders dan denghenen die men dat betalen ende gheven sal ⁴). Alsulke penninghen of sulver als een man lovet ⁵) so sal hi ooc betalen. Is daer ooc gheen bescelt an ⁶), so sal men die penninghen betalen als in den lande of in den gherichte genghe ende gave is.

Dat die bode voor gherichte daer toe benoemt sal wesen. Penninghen die niet langher dan XIIII nachten verboden en sijn gheweest.