We den anderen vaet, slacht, wondet, wen he dar vor antworden sal. XXXI. (III. 31 § 3.)
Wie den anderen vanghet 1), wondet of slaet 2) sonder dootslacht ende lemmenisse, ende hem niet en benimpt, so en derf hi des mans erfghenamen 3) daervoor niet antworden 4), of hi nader iaer tale al stervet, tensi dat die clagher die claghe eer voor gherichte begonnen heeft 5). Wilkoer incomen man hem selven vri seit 6), dien sal men voor vri houden, tensi datmen over hem eyghendom betughen mach 7).
Al die rechten die hier en teghens luden, die segghen van ghescichte die noch onveriaert sijn, want daer voor moet men den erfghen. antworden, ende dit recht seecht van den dat enen man ghesciet, daer hi selve een iaer na levet ende daerom niet claghet.
Dit hoort totden art. hier naest, daer hi seit van der bewisinghe der eyghenscap. Al ist dat sommighe boken dit voor enen artic. hebben.
Ende dat en moet gheen man rechten dan des lants rechter. Incomen lude dat sijn die daer varen ende comen, daer hoert den ghemenen lantgherichte. Plichtaften dat sijn die ondersaten, die daer horen inder merken ende onderwilen tot enen sonderlinghen gherichte.
Auteursrecht onbekend