De Saksenspiegel in Nederland

Van den de gheen vorspraken hebben en moten als de claghe ende antwort begunnen is. XXIX. (III. 30.)

Een man sal selve voorspreken van der sake daer selve eens ¹) van gheclaghet of gheantwoort heeft. Die wile dat een man des antwordes weret mit ordelen ende mit recht, so en heeft hi noch niet gheantwort. Die rechter sal allen luden ghelijc wesen ende alle ordelen ²) en sal hi nicht vinden noch beropen ³).

Is dat ooc wel mogheliken of een man begonde te antworden sonder voorsprake, dat hi ooc daerna den voorsprake ontberen most, want wat men den clagher voorseecht, dat sal men den antworder oec te voren segghen. Nadien dattet hem ten eersten mael behagede dat hi antworden wolde, daerom so sal hi ooc dat voort doen.
O ghi rechters, weest recht in allen saken ende rechtet recht ende denckt aen dat gherecte Goeds.