De Saksenspiegel in Nederland

Van den de enes anderen mannes lant eret off ploghet onwetelick wo he dat sal betalen ende ghelden. XIX. (III. 20.)

Wie des anderen mans lant ploghet of eret ¹) onweteliken, daer en derf hi gheen wandel voor doen. Wie oec lant eret dat hi seecht ²) dattet sijn is, ende worttet hem mit recht of ghewonnen, so moet hi dat beteren. Hi moet wael peynden ³) op sinen lande denghenen die dat eret sonder oorlof ⁴) ende dats aldaer om ⁵) dat hi daer mede rechtes becomen mach ⁶). Mit ploghen ende mit eren en mach ⁷) gheen man ⁸) sijn lijf noch ghesontheit verliesen, tensi dat hem dat lant voor gherichte mit recht of ghedeelt werde, ende dat daer ooc enen vrede over ghewracht is.

Alle goet, dat hem een man onderwindet sonder recht, oft hem ofghewonnen wort, dattet hem yo op broken lopet ende bothe. Oec wel peynden, so en saltu dat also niet vernemen dat die een buer den anderen aldus peynden mach. Dat prove aldaer bi dat hi seit, dat hi yo rechtes becomen mach, ende dat becoomt hi doch mit sinen bueren alle daghe wael.