De Saksenspiegel in Nederland

Off een man an sines vorspraken nicht en lyet woe men dan doen sal. XIV. (III. 14.)

Also langhe als een man an sijn voorspraken woorden niet en lijdt ⁶) als hi van den rechter daer om ⁷) ghevraghet wort, so blijft hi sonder scaden an sinen woorden. Wie om een misdaet beclaghet wort, also langhe als dieghene onghelovet is, die daer waren sal voor die saken dat men hem daer voir

[p. 145]

tekstkritische noten

niet bet aen en spreke, so mach die clagher sijn claghe wel beteren en daerna niet ¹).

Hier so saltu dese behendicheit hebben, als wanneer du voor gherichte beclaghet biste, so laet dan vraghen eens ordels, op dattu hoorste waert die vinder voor di vindet dan niet, want het ghesciet vake dat een ordel een man te bate wort ghevonden ende dat om der doorheit wil der kinderen. Ende ofse wijs sijn, datse di dat ordel te scaden vinden, wanneer di dan die rechter vraghet of sijn woort aldus si, so saltu bidden dattu des bespreken moechste. So com ende segh, neen. So bestu sonder scaden. Mer in gheesteliken rechte so mach een man sijns voorspraken woort wederspreken binnen drien daghen, ende daerna niet.
Ende den waerre sal men eysschen, wanneer een man voir gherechte beclaghet wort, dat is den antworder aldaer toe goet, dat die clagher hem voir die sake ende claghe waren moet, also dat hem daer voor een ander niet meer an en spreke.

1) Wye voir gerichte umme ungerichte beclaget wort, dye bydde ten yrsten ene gewere, wente dyewyle de gewere ungelovet ys so mach dye cleger beteren syne clage, und dair na nycht. L. dat men hem daer nicht voer anspreke, so mach de clagher zyne claghe wal beteren ende daernae nicht. G.
2) Spreket twe man uppe een guet na deme dertychsten yene dye yt under syck hevet de en sal des nemande antworden, se en verdragen syck myt lyeve eder rechte voir gerichte. We herwede, gerade eder erve weygert na den dertychsten myt unrechte uyt to gevene, schuldiget men eme dair umme voer gerichte, he moet wedden unde boete daer umme geven. L. bothe ende broke gheven. G.
3) an syner hode hebben hent sye syck vutscheyden myt rechte. G.
4) We ock herwede vordert dye sal al uyt van swert halven dairto geboren syn, we gerade vordert dye sal van wyfhalven daerto geboren syn. Dye rechter noch neman mach niemande van syner clage bewysen dan de uppe deme de clage gheet L. Ende we desse hervede mit rechte vorderen wil de zal van der zwertsyde daertho gheboren wesen. G. Wie desse hervede myt rechte vorderen wil die sal van der swertsyde daerto geboren wesen. Gr. 2.