De Saksenspiegel in Nederland

Off twe mans een gued an spreken dat tot der heyweyde hoert. XV. (III. 15.)

Spreken twe man op een goet naden dertichsten daghe, so wilkoer dat goet weygert mit onrecht te gheven, als hi voor gherichte daerom beclaghet wort, so mach hi daer voor broken ende bothen gheven ²). Ende ist sake dat twee mannen aldus een goet aenspreken ende die rechter dat goet eysschet te rechte, so salmen hem dat antworden ende gheven, ende hi sal dat goet onder hem houden went der tijt datse daer om ghesceiden sijn na rechte ³), ende die dat goet den rechter ghift, die si des scaden vri. Ende wie dese hervede mit recht voeren wil die sal van der zwaertside gheboren wesen ⁴).

[p. 146]

tekstkritische noten

Also of een man licht een ros of een wapen gheleent waer, ende of diegheen storve die dat wtgheleent had, quamen dan des doden vrunden ende keven in den rechten daerom, ende vragheden hem daerom, so en wist hi licht des nicht wilkoer dat daer recht toe had. Ende op des dat hi hieran niet onrechts en doe, daerom so set hi nu hier dit recht. Veel luden sijn daer, die desen articulum niet en verstaen, ende die sal men also beduden, of twee man een guet aen spreken, dat vernym, als onder hem beiden, also of het die een hadde, ende weygherde hi dat goet te gheven mit onrecht, so moet hi daerom broken gheven.
Hi seide hier te voren van hervede ende gerade, dat den erfghenaemen toehoort. Nemen die zwaertmaghen dat hervede so nemen die vrouwen dat gerade.

1) en sollen nenen vormunder hebben. L. ghene vormunde hebben. G.
2) Dye yn des rikes achte synt unde vervestede luden en darf neman antworden of de claget.
3) op hoer so moeten se. G.
4) add. dair se ynne vervestet syn. L.
5) man die moet. Gr. 2.
6) hem wael wt der. Gr. 2.
7) sal sinen die clage verheven mach he in allen also moet hem oec wael een man uter. Gr 2.
8) borghen. Gr. 2.