De Saksenspiegel in Nederland

[p. 141]

tekstkritische noten

1) Men seecht. Gr. 2.
2) doir der were wyllen. L.
3) weerhaften luden. L.
4) vuren sollen. L.
5) to rechte sal men over em richten. L.
6) voerbrenghen sal. Gr. 2.
7) daer voer gheven. Gr. 2. daer vor gheven. G.
8) syn weerghelt den clagher ende den richter syne broke voer de loghene de he god gedaen. G. und nycht dem richter syn gewedde heft he aver dair an. To derselve wys sal men den vrede beteren. L.

Wat vrede dat vorsten ende borghen hebbet ende wat nicht. VIII. (III. 8.)

Men seit ¹) dat vorsten en borghe ghenen vrede en hebben die men an hem breken moghe, als om der were wille ²) die de borghe hebben, ende om der warachtigher luden ³) wille die de vorsten hebben sullen, des doch niet en is, want wie den vorsten vrede lovet ende trouwe sculdich is, breken si dan den vrede so rechtet men over hem ⁵).

Hier wil hi segghen van dommer luden waen, daer alle rechten alle meestich om ghesproken is, want daer of so comt dick veel scaden. Hierom so is des noot dat men den waen der duller luden mitter waerheit bewise.
Die vorsten sullen vrede hebben voor twierleye luden, die eerste vrede is van geloften, also als die vorsten ende heren, die bi malcander gheseten sijn, onder hen vrede loven ende zweren, den anderen vrede, die man mitter vorsten houden sal, dat is daervan dat man dat sculdich is te doen, ende daer meent hi die ondersaten mede, ende die sullen den heren bi staen in al hoerre noot. Breket dese den vrede men richtet over hem, is hi des heren man so verliest hi sijn lijf ende sijn eer ende ooc sijn goet, dat hi van hem had.