De Saksenspiegel in Nederland

Off een knecht sijns heren goet verdobbelt ofte verset wo he den heren darom doen sal. Ende van den de sijns selves goet verdobbelt. VI. (III. 6.)

Verdobbelt een knecht sijns heren goet of vercoopt of verset hi dat, die heer ¹) mach dat wel mit recht weder crighen, indien dat hi hem daer toe thye als recht is ²). Verdobbelt oec die knecht sijns selfs goet of in welker wijs ³) dat hi dat verliest met sinen wil, die heer en mach dat mit recht niet weder crighen ⁴) want hi en is hem dat mit recht niet sculdich ⁵) te betalen, al ist dat hi hem sijns verlies beset heeft ⁶), mer wort die knecht sijn paert of sijn goet of ghestolen ⁷) in des heren dienst buten des knechts scult, dat moet hem die heer betalen, daer voor ⁸) moet men ooc den heer antworden of hi daerop claghet.

Die heer mach dit wel weder crighen Sommighe segghen mit aenvanghen, mer ic segghe, het en hoort totten aenvanghe niet, want wie wat aenvaet die moet dat tughen self derde dattet hem ghestolen of gheroeft is. Daerom so en mach hi hier ghenen aenvanc doen. Hi en derf oec opten knecht niet claghen, mer hi vorder dat weder mit recht opten ghenen die dat heeft. Of een knecht ghevangen waer ende sijn heer hem voir den scaden stande, hoe hoghe waer hem sijn heer sculdich te lossen? Sommighe segghen, na dien dat hi dat ver-

[p. 140]

tekstkritische noten

mochte. Dat waer onrecht, want so worde die knecht op des heren goet ghevangen ende ghescat, ende also mocht men also maers enen knecht vanghen als enen heer. Ic segghe, men sal den knecht lossen voir sijn goet en daerna als het coopgave is. Want vriheit gaet voir alle goet.

1) Dit artikel ontbreekt in G. Een iode. Gr. 2.
2) gewere nycht sijn. L.
3) slacht een jode. Gr. 2.
4) sleet dye jode enen crystenen man eder doet he ungerichte L.
5) doir des konynx vrede den he an em gebroken heft L.
6) Dessen vreden verwerff hem Joseph tegen den coninc Vespaciano doe he sinen sone Tytum. Gr. 2.
7) kelke boke eder missegewant. L. boken offt taefelen. Gr. 2.
8) bi dageslichte unverhollen unde unverscollen und nycht in beslotenen huse. L. by dage ende overhollen mich myt besloten husen op der straten te coepen mach. Gr. 2.
9) add. eder updede myt synen eede off yt wal verstolen is, untbreeck eme aver an den tuge he verlust syne pennynge. L.