De Saksenspiegel in Nederland

Oft een vee enen manne scaden dede an koerne ⁸). XLV. (II. 47.)

Wie sijn vee drijft op eens anderen mans coorn of hoy of gras ⁹), die sal hem den scade beteren op rechte ende bothen dat met drie ¹⁰) scellinghen. Is hi oec niet teghenwoordich dien dat vie is, die sal den scaden beteren nader buer wilkoer.

[p. 116]

tekstkritische noten

VI penninghen ghift een yghelic man te bothen voir sijn vee ¹). Is ooc dat vee alsodanich datmens niet in driven en mach ²), als paerden die wrensch sijn of gansen ³), so sal hi daer toe laden twie manne ende bewisen hem die scade ende volghen dan dien vee na in sijns heren huus ⁴) ende besculdighen hem daer, so moet hi hem die scade beteren voir sijn vee also oft ghepant were.

Dattet recht lichteliker laet beteren denghenen die daer niet en is dan die dat selve doet met sinen vee, dat is aldaer om dat men des vermoedet, dattet hem leet is, ende daerom so minret men die boeten ende niet den scaden, hetsi desen die dat doet lief of leet. Die broken bliven allike groot, mer die smaetheit daer die boten voir horen, die minret men nader aendacht. Hoe, oft een heerde waer die daer alle der buer vee met hem hadde? Dat bothet men oec met VI penn.
Hier vertughet men echt den Sassen, dit is oec aldaer om dat men dat vee niet en sla noch en steke noch en werpe, daerom doet hi also oft ghepandet wort ende lidet tuuch daerom dattet luttick ghelt. Oec so betughet men dat vee ende niet den Sassen.

1) dair nycht yegenwordich dair dat vee scadet und wort yt gepandet den scade gelde dye des dat vee ys off men den to hant bewyset nader buren koer. Ses pennynge gevet juwelic to boeten voir syn vee. L.
2) also gedaen dat men dat nicht in dryven en mach. Gr. 2.
3) perde de rennych syn off ganse off beren. L. perde die wreensch sint offt gansse. Gr. 2.
4) na synes heren huus. Gr. 2.
5) We syn vee dryvet op eens anderen mannes mercke off gemeyne weyden. Gr. 2.
6) op ene ander marcke up gemeyne weyde. L.
7) daervor ghepandet. G.
8) ses pennynge. L. ses pennyngen. Gr. 2.
9) geheget wech ys. Gr. 2. yt ne sy een geheget wyssche eder wese hee blivet ys ane schaden. L. een gheheighet wech is. G.