Van den de enes anderen mans lant ploghet 1). XLIV. (II. 46.)
Wie eret of ploghet eens anderen mans lant, dat hem een ander ghedaen heeft 2) wort hi daerom besculdicht, die wile dat hi dat ploghet 3), so verliest hi sijn arbeit ende dat zaet daeraen 4). Ende wat hi sayt 5) onverboden daer behout hi dat zaet of, ende diegheen den tyns die dat lant behout 6). Wie eens mans besayde lant anderwerven ploghet of eret 7), die sal hem den scade betalen op rechte ende sal hem bothe daer voir gheven.
Dit is teghens denghenen die daar seggen: he breket, also vake hi den ploegh wt boert. Mer segghe: des en is niet, mer hi sal den scade betalen. Wie onwetelic seit, die behout sijn arbeit, ende wie dattet wetelic doet, die verliest sijn arbeit. Wie dat besayde lant eret die moet daervan bothen gheven. Wie een lant eret dat hem mit recht of ghewiset is ende den anderen nader claghen vrede daer over ghewracht is, dat gaet hem an dat lijf.
Auteursrecht onbekend