De Saksenspiegel in Nederland

Wanneer twe claghen om een gued ende beyde segghen dat is oer leenguet ⁴). XL. (II. 42.)

Wie claghet opten anderen, hi beneme hem sijn goet, daerse hem dat goet beide te leen toesegghen also datse dat hebben van tween heren, so sullen si beide hoor gheweren, dat is die hem daer voor waren sullen, te gherichte brenghen. Wiens ghewere totden gherichte coomt, die behout dat goet, ende wiens ghewere daer niet en comt, die verliest dat goed ende die besittinghe des goedes ⁵), doch so moghen die vorsten

[p. 113]

tekstkritische noten

enen man waren met enen openen brieve die bezeghelt is, indien datse daer mede seynden horen ingheboren dienstman die dat goet verstae in hoor stede. Den brief sal hi doen denghenen daer die claghe op gaet tot enen tughe der claghen, of hi des daernae behoeft. Segghe si ooc dat hem beiden dat goet is ghedaen van enen man, so sullen si voor den te rechte comen over ses weken, ende die rechter sal twee van sinen boden mede senden, die horen wilkoer dattet wint of verliest, wie dan verliest, die gift den rechter daervoor broken ende den anderen sijn bothe.

Wat de vorsten voor gherechte te doen hebben, dat sullen ende moghense mit boden doen, want quamen se self, so moyde hem een arm man. Ende ooc of die claghen of antworden soude, so most hi staen, dat waer teghens die ghewoenheit, want dat recht is also edel dat niement sitten en mach noch en sal, aenspreker noch antworder.

1) Van guede an to sprecken een to leen ende die ander to eygen. Gr. 2.
2) anspreket to leen ende die ander seecht het se. Gr. 2.
3) de dat gued to eghene anspreket de mach. G. Gr. 2.
4) Yene moet yt bet to egene behalden myt twyer scepenen tuch dan de ander to leene. L.
5) dat moet op eenen man beth beholden dan een ander. G.
6) gekofft egen eder gegeven L. die dat gecoefft heefft offt den dat ghegeven ys. Gr. 2.