Waer eyn hantaftich daet is 8). XXXIII. (II. 35.)
Die hantachtige daet is, so waer men enen man in der misdaet begripet of die ghestolen goet of gherovet goet in sijnre were heeft daer hi den slotel self of draghet 9).
Dat eerste recht (der hantachtigher daet) datse heeft, is dat men den ghenen die in der hantachtigher daet beclaget wordt, niet te borghen doen en sal noch ghenen dach gheven, mer men sal hem terstont verordelen. Dat ander recht is, datse niet versaken en moghen, mer die clagher vertughetse als recht is. Die derde claghe der hantachtigher daet die vordert mit recht beide die pin ende dat verloren goet.
Auteursrecht onbekend