De Saksenspiegel in Nederland

Uf enen manne des ander mannes guet to vletet in den water wo he dat holden sal ¹). XXIX. (II. 29.)

So wie eens anders mans goet toe drivet ²) inden water, die sal hem aldaer toe theen als recht is, hi sal oec dat goet upbieden ende houden dat daer na ses weken, vraghet daer enich man na, hi sal dat goet bekennen, ende diegheen die dat bewijst dattet goet sijn is die sal hem den cost betalen na goeder luden kore ende segghen. Versaket ³) hi des ooc als men hem daerom vraghet, so heeft hi dat ⁴) diefachtich, indien dat men dat onder hem vindet. Ende dan so moet hi dat goet mit broken ende met boeten wedergheven, nadien dat hi dat diefliken ghehouden heeft, mer gheen ⁵) dieft en heeft he daer aenghedaen dat hem an sijn lijff, an sijn eere off an sijn ghesontheit mach gaen ⁶).