De Saksenspiegel in Nederland

Wo de vader den sone van em wijsen mach myt sijnen gude ende wo nicht ⁴). XIX. (II. 19.)

Die vader mach den soon wel van hem wisen of van hem sceiden voor gherichte met sinen guede ⁵) dat die soon aennemen wil, al hoe cleyn dattet is. Die here moet oec wel wtnemen enen man, die sijn eigen is, wanneer hi verordelt is, indien dat hi dat sweren wil opten heylighen dat hi sijn eyghen gheboren si, ende dat hi der daet al onsculdich si ⁶) daer hi om beclaghet was. So blijft die eyghen man rechteloes ende eerloes ⁷).

Dat is aldaerom, dat men enen vrien man vordert mit recht sijn lijf dat is sijns selfs scade, ende dat men enen eyghenen man verordelt dat is sijns heren scade, ende daerom sweret hi sijn onscult ende hi verliest hem also of hi swoer dat sijn paert of sijn coe gheen scade ghedaen en heeft.