Wanneer men een ordel over enen man vinden sal6). XVIII. (II. 18.)
Men en sal niet vinden te rechte hoe men over eenen man rechten sal, ten si dat hi alre eerst so veer verwonnen si dat men over hem rechten sal. Men en sal ooc niet vinden te rechte hoe men een guet of een were des guedes tughen sal,
ten si dat die tuuch alre eerst mit ordele ende mit vonnisse 1) ghevordert 2) is 3).
Men sal dat eerst yo bewisen dat hi een rover is, eer men hem rovers recht toedeylet, ende men en sal oec gheen ordel vinden dat men vraghet, tensi dat men die sake hore daermen dat ordel om vraghet.
Wanneer die clagher claghet ende die antworder seit: vanre besittinghe of were, so sal hi dat segghen hoe dat guet in sinre ghewere ghecomen is, sonder veynsicheit daer in te soken. Ende dat wederspreke dan die clager of hi mach. Wie dan die besittinghe of were toeghedeelt wort, die vraghe dan hoe hise tughen sal, want en seide hi dat niet, so ghinghe die ordelen onrechte.
[tekstkritische noot]1) vondenysse. Gr. 2.
2) ten en sy dye tuych alles yrst mit ordelen erdeijlt. L.
3) alder erst verwonnen se dat men over richten sal. Men sal ock nicht vinden women een gued off eenes were des gudes tughen sal ten se dat de tuech alder erst mit ordel ende mit wonnisse vordert ys. G.
4) de emancipatione. Gr. 2.
5) van em sunderen voir gerichte mit iuweliken gude. L. offt van hem wal delen vor gherichte wt synen gude dat. G.
6) zweren wil dat sijn eghen boerne eghen sy ende dat he der daet unschuldich si. G. dat he syn eygen geboren eygen se ende dat he der daet al onsculdich si. Gr. 2.
7) eerloes ende rechteloes. G.
Auteursrecht onbekend