De Saksenspiegel in Nederland

[p. 79]

tekstkritische noten

1) Van eden to laven vors scolt Gr. 2.
2) daer de eet voir gelovet is L.
3) voer den gerichte Gr. 2.
4) rechte noet G.
5) ghelovet G.
6) gheloestet G
7) voir gerichte te leestene G. al rede synen eedt to leysten den hey gelovet hadde Gr. 2.
8) des ghene nicht Gr. 2.
9) den men den eedt Gr. 2.
10) to lesten G.
11) Van den de men pennyngen offt silver betalen sal Gr. 2.
12) verwart he den rechten dach nich offt nemet he des nicht an to der rechter tyt Gr. 2.
13) dar vorlovet in te komen G.

Of een man eden vor scult lovet wan he de losen sal. ¹) XI. (II. 11.)

So wie dat eden lovet voer scult, leystet hi der nicht te rechter tijt, so is hi inder scult ²) verwonnen indien datse voir gherichte ³) ghelovet werden, tensi dattet hem echte noot ⁴) beneme die men bewisen mach. Is dese eedt voir gherichte belovet ⁵) ende en wort nicht gheleystet ⁶), so salmen den rechter daer voor broken gheven ende denghenen sijn bothe den hi den eedt ghelooft had. Is ooc een man al rede sinen eedt te leysten ⁷) den hi ghelovet had ter rechter tijt ende en wildes dieghene nicht ⁸) noch en is hi daer niet teghenwoordich, die men den eedt ⁹) doen of sweren sal, so sal hi ledich ende vri wesen van den eede ende ooc der scult, daer hi den eedt voir lovede, indien dat hi des tuuch hebbe.

Is oec een man al rede sijn eden te holden ¹⁰). Dit is teghens den doren die daer segghen, men sal hem den vingheren van den heylighen theen. Verliest dese sinen ghebodenen eedt mit voirspreken, so verliest oec een ander sinen hals mit vredebreken voir den gherichte, indien dat men des tuuch hebbe anden rechter of anden sceidesluden ende an twee mannen.