De Saksenspiegel in Nederland

De ene mysdaet claghet op enen anderen man de dar nicht yeghenwordich en is ⁵). VIII. (II. 8.)

So wie een ongherichte of misdaet claghe ⁶) op enen man die daer niet ieghenwoordich en is, ende coomt die antworder daerna voir gherichte ende die clagher dan niet op hem en claghet, so moet die clagher den rechter daer voer broken gheven ende den antworder bothen, ooc so wort hi vri van der claghen ghedeelt. Volboort ⁷) die clager sijn claghe, al ist sake dat die antworder hem mitten rechten ontgaet ⁸), doch so en lidet hi daer om ghene broken ⁹) noch bothen, tensi dat hi den antworder kempeliken voir gherichte ¹⁰) gheladen hebbe.

Wie daer claghet after eens anderen mans rugghe ende en wil niet claghen voir sijn oghen, dat is een teyken dat hi meent valschelic te claghen.