De Saksenspiegel in Nederland

Wo de richter denghenen vrede verwerven sal de em wt westinge teen willen ¹). IV. (II. 4.)

Die hem wt der vervestinghe theen wil, den sal die rechter vrede verwerven voor gherichte te comen, indien dat men des van sijnre weghen begherende is. Wanneer hi opten heylighen tuucht mit opgherechten vingheren ²) so sal hem die rechter ende dat lantvolc wt der vervestinghe laten met tughen also als men hem in die vervestinghe dede. Weyghert men hem dat mit onrechte ende tuucht hi hem dat opten heyligen so is hi een onvervestet man ³). Ende so sal men hem ooc vrede verwerven ende hi sal borghe setten voir gherechte te comen tot drien dincdaghen of rechtdaghen ⁴), ende sal hem daer anderwerve ende derdewerve bieden of enich man over hem claghet. Claghet ooc gheen man over hem tot drien rechtdaghen, so delet men hem ledich ende vri van der sake ⁵). Trect hem ooc een man wt der vervestinghe, dair die clagher niet ieghenwoordich en [is], ende lovet hi ende settet borghe

[p. 74]

tekstkritische noten

weder ¹) voer gherichte, te comen te rechte, coomt hi dan niet weder voir gherichte so heeft die rechter dat vertoch ghewonnen ende niet de clagher ²), indien dat die rechter weder ³) ander vervestinghe brenghet also als hi te recht doen sal.

Diegheen die hem beclaghede ende in die vervestinghe brochte die moet hem sinen cost weder betalen of bothe daervoer gheven.

1) teghenwoirdich en is ende sonet he ende set borghe weder G. borghe werder Gr. 2.
2) dat borgetucht hevet dye rechter gewonnen unde nycht dye clager L.
3) hem weder G. Gr. 2.
4) Van denghenen de genen borghen setten en derven vor gerichte als om eenre misdaet willen Gr. 2.
5) bynnen den gerichte dat beter ys dan sijn wergelt L.
6) gewedden over ses weken boete na den gewedde over viertenacht L.
7) eer syn broke betalt ys Gr. 2.
8) salmen yt gelden deme men yt sculdich ys L.
9) add. off yene daer ongehuset ys L.