De Saksenspiegel in Nederland

Woe men enen manne dach geven sal de to kampe ghegrotet wort ⁶). III. (II. 3 § 2.)

Grotet men enen man te campe die ongheworven ende onghedaecht daer ghecomen is ⁷) voor gherichte ende hem om die saken ghenen dach ghegheven en is, so sal men hem dach gheven na sijnre gheboorten, indien dat hi des daghes biddende is ⁸), dat hi hem daer toe werven ende bereiden mach, wanneer die campe ghelovet is ende niet eer. Ende salmen ⁹) hem dach gheven, den scepenbaer vrien manne dien sal men dach gheven over ses weken, den dienstman over XIIII nachten ende oec ander vrie lude. Om al ander ¹⁰) saken daer men enen man om besenldicht ende aenspreect, so sal hi althant ¹¹) antworden ende sal bekennen of versaken.

[p. 73]

tekstkritische noten

Ondersceide dat en segghe, dat sommighe lex is ghemeenliken gheset, ende die sal ghelyc wesen den armen als den riken. Ende daer sijn sommighe luden wtghesceiden als om eren wil ende si en moghen oec niet meer behouden dan hem van eren weghen toe ghegeven is.
Dat recht en spreect hem selven niet teghens, want hier te voren seide hi van den clagher dat hi gheen borghe setten en darf, ende nu seit hi van den antworder dat de borghen setten moet. Ende hier wort ooc die claghe mit ordelen gheclaget, behalven also veel dat hier die clagher, eer die daghen ghegheven werden, sijn claghe volbrenghen sal, want sijn claghe genghe also dat hi den antworder te campe brochte.
Hier draecht dat Sassen recht entwee mit dat keyser recht. Want int keyser recht gift men enen man dach dat hi hem bedencke, ende men gift hem die sake bescreven ende men gift hem dach XX daghen lanck.

1) Van he den de hem vter vervestinghe theen wil Gr. 2.
2) mit opholdenen vyngheren G. mit wtgerecten vyngheren Gr. 2.
3) een vorvestet man G.
4) gedingen off rechtdagen Gr. 2.
5) of ment van em eysschet, daer sal hye sych to antworden bieden off yeman over ene clagen wyl und beclaget eme nyman bynnen drier dynghen soe sal men ome ledich deylen van der clage L.