De Saksenspiegel in Nederland

Of een man borghe wort vor enes anderen mannes mysdaet ⁶). LXXXV. (I. 65 § 3.)

Wie borghe wort voor eens mans quade daet ende hem weder voor gherichte te brenghen ⁷), doet hi des niet, hi moet sijn weerghelt betalen daer voor, ende het en scadet denghenen an sinen rechten niet ⁸) daer hi borghe voor gheworden was. Dat weerghelt sal men betalen over ses weken ⁹) nader tijt dattet ghewonnen wort. Alle scult moet men wel betalen denghenen, die mense betalen sal, eer die rechte tijt

[p. 64]

tekstkritische noten

dat mense betalen soude, indien dat men se betale ¹) inder stede daer dieghene is die men betalen soude ²) ende daer hi se onbecommert van danen ³) brenghen mochte. Hi sal oec daer toe tuuch hebben of hi des behoeft an twee mannen die dat saghen, dat hi die scult betaelde of dat hi se te betalen boet mit gout of mit sulver of mit alsulke penninghen die ganc ende gave waren ⁴), des hem die ander weygherden tontfanghen mit onrechte ⁵).

Hier seit hi wat sonderlinghes, ende dat is aldaer om of een man borghe wort eens beclagheden mannes, daer hem die claghe an dat lijf gaet of aen sijn eer of an sijn ghesontheit.
Sommighe werden beborghet daer hem die claghe gaet op goet ende ghelt. Wie aldus eens mans borghe wort die moet voor hem antworden mit alle den rechten den diegheen hebbe soude daer hi borghe voor worden is, ende wort hi ooc verwonnen so moet hi hem die scult betalen, tsi luttels of veel.
Ten anderen male so wort een man borghe voir den anderen daer die claghe pynlic is ende aen syn lijf gaet. Ende van dien borghe so seit hi hier, dese borghe en derf voor den anderen niet antworden. Ende daerom so ghift hi sin weerghelt.
Hier seltu doch wat selsens mercken, dat borghescap lichter is daer die claghe gaet op pine dan daerse gaet op ghelt.
Wanneer die claghe overnachtet is, so en seltu niemant die te borghen bieden.

1) Alle schult moet men wal betalen eer der rechter tyd. Indien dat men se betale G. eer den dagen dat men sye gelden solde L.
2) den men se betalen solde Gr. 2.
3) van dinen Gr. 2.
4) de do ghanghe off gheve was G. de gen ende geve weren Gr. 2.
5) boet myt sulver eder penninghe dye gange unde gheve weren to der tyt unde iz yene do weygerde myt unrecht to nemende L.
6) Van der hantachtiger daet Gr. 2.
7) Soe wen dat men L. Soe wen men Gr. 2.
8) gevangen wort Gr. 2.
9) den vervesteden man Gr. 2.