De Saksenspiegel in Nederland

Wo een vorspreke syns heren wort mach spreken omme alle claghe ⁶). LXXXI. (I. 61 § 5.)

So wie een man te voorsprake kieset ende neemt die moet wel ⁷) sijn woort spreken om alle claghe die men op hem claget of die hi te clagen heeft, die wile dat hem die voorsprake mit recht niet benomen en wort of dat hoerre een den anderen af gaet ⁸). Men en sal oec ghenen man tot eenre clagen dwinghen die hi voor gherechte niet begonnen en heeft ⁹). Wie oec dat gherechte ¹⁰) scryet die moet dat vollenvoren, want dat gherechte is der claghen een aenbeghin. Wie oec sijn zwaert trect op eens anderen mans scaden, dat zwaert hoort den rechter toe ¹¹).