De Saksenspiegel in Nederland

[p. 57]

tekstkritische noten

1) Waer een man claghet daer sal he oec antworden Gr. 2.
2) Waer de man sijn recht vordert daer sal hee rechtes pleghen und rechtes helpen L.
3) oec we ghenen borghen Gr. 2.
4) de sal des vronenboden welt beholden G.
5) een misdaet beclaghet wort G.
6) uit Gr. 2.
7) keset de moet wal G.
8) offt dat horer een der anderen nicht af en geet G.
9) Mallick moet wael sines schades zwighen derwyle hee wyl L.
10) gherochte L. wie ock dat gherochte schreyt G. we oec den gerochte screyet Gr. 2.
11) scaden vor gherichte dat swert hefft he vorbort G.

Van allerhande claghen ende ungherichte ¹). LXXX. (I. 60 § 3.)

In wat rechten dat een man claghet of daer hi sijn recht vordert, daer sal hi weder antworden of rechts pleghen ²). Gheen clagher en derf borghe setten eer der tijt dat die claghe ghedaghet wort. Wie ghenen borghe ³) hebben en mach die sal die vrone in ghewelt houden ⁴) of hi daer gheen erve in den gherichte en heeft, indien dat hi om een ongherechte beclaghet wort of die claghe op hem gaet ⁵).

Wanneer die clagher gheclaghet heeft, so ghebiedet hem die rechter tot eenre antworden. So biddet die antworder eens ordels, na dien dat hi antworden moet, of hem die clagher yet wederantworden moet. So wort hem toeghevonden, hi sal weder antworden, wil die clagher niet weder antworden, so en sal hem die rechter oec niet rechten.
So moeten alle personen weder antworden, beide papen ende moniken, gheestelic ende waerlic, indien datse te waerliken rechte claghen.