De Saksenspiegel in Nederland

[p. 52]

tekstkritische noten

1) Van gogrevescap Gr. 2.
2) an gogrevescap en is myt G.
3) neen leen noch volge L.
4) yewelicker G. jweliker Gr. 2.
5) Beleent se ock G.
6) mit oren vryen koren L.
7) Offt een deyff bynnen dach ende nach nicht verwonnen en wort Gr. 2. In G. volgt dit artikel achter LXXVII.
8) de deeff of de rovere G. een deyff offt een rover Gr. 2.
9) offte nacht Gr. 2.
10) de men keset tot enen ungherichte inder hantafftighen daet ende desselven daghes to richtene G.

Van gogrevescap wo dar volghe an en is ¹). LXXIV. (I. 56.)

An gograefscap so en is mit ²) recht gheen volghe ³), want dat is der lantluden vrie wilkore datse gogreven kiesen tot eenre ygheliker ⁴) daet of tot eenre besceidenre tijt. Beleent oec ⁵) een heer den gogreven, so sal hi daer of pleghen leenrechtes sinen manne ende sinen kinderen, tensi dattet die lantlude hem beiden breken mit hoerre wilkoer ⁶).

Een gograve hiet aldaer om also dat hi dat kerspel of die bueren berechten mach, of hi heet oec in sommighen landen een buermeyster of des ghelyc na des lants sede ende ghewoonten. An gograefscap en is gheen volghe noch leen an van des ampts weghen. Mer wanneer hi gecoren wort, beleent hem dan die heer met enigherhande dinghen voor sinen arbeit, daer had hi ende sijn kinderen leenrecht an.
Die lantlude moghen dat ampt breken dat die gogreve heeft ende daer hi dat leen of had ende dan so gaet hem dat leen af.