Wo magheden ende vrouwen enen vormunder hebben moghen an yewelik claghe 1). LVII. (I. 46.)
Mageden ende vrouwen moeten vormunderen hebben an een yghelike claghe. Ende dat aldaer om dat mense niet vortughen en mach watse 2) voir gherichte spreken of doen. Wanneer het den vrouwen totten ede coomt also dat men voir die sake sweren sal, so sullen si die eden selve leysten ende niet hoor vormunder 3).
Want een man wil liever ghemaent ende vertughet wesen van een man dan van een wijf, ende dat daerom datse hem niet en scamen noch hoer scaamte niet bewaren en connen. Ende daerom so bescoent men den vrouwen als hi hier seit.
Auteursrecht onbekend