De Saksenspiegel in Nederland

Van truwelosen luden ende van heervluchtigen luden ⁵). L. (I. 40.)

Die ghene die trouweloes ende eerloes verwonnen worden ende van den die heervluchtich wert wt des heren dienst, die wijst men wt den leengoede ende si verliesen hoor eer ende niet hoor lijf ⁶).

Een man doet teghen siin trouwe drierleye wijs. Ten eersten so wert een man trouweloes of men hem enygherhande dinghen op siin truewe beveelt als vormundscap ende

[p. 37]

tekstkritische noten

in goeder compenyen wat te houden doet. Ende hierin so wort een man scalcbaer. Ten anderen so doet een man ieghen siin trouwe also als hij een dinck leent of vraghet op siin trouwe, hier mede verliest hi sijn goet ende sijn ere. Ende daerof so seit hi hier. Ten derde male so doet een man ieghen sijn trouwe als an gheleide of an verraderye, ende hier an so verliest hi sien lyf ende siin ere
Hoe sal men een man trouweloes aenspreken? Men sal twy over hem klaghen buten gheruchte ende ten derden male met enen gheruchte als over enen misdader, ende dan so salmen hem voort eysschen ende bode senden ende te borghe bieden, also als enen misdadighen man ende als men denghenen doet, die men vredeloes leet, also leet men oec desen eerloes ende trouweloes Hierover en moet gheen man ordel vinden hi en si des gheens ghenote die daer beclaghet wert, en dat aldaer om dattet leenrecht roerende is.
heervluchtlch dat saltu verstaen van denghenen die horen heer wel helpen mochten ende niet helpen en wouden.

1) Het opschrift uit Gr. 2. Van magheden of van weduwen de deer claghen over hore vormunders. G.
2) of een weduwe G.
3) dat he hoer ontweldighet hoer eghen gued offt leen gued G.
4) tot drien werven ende en kumpt he nicht vor gherichte ende en wil he gheens rechtes pleghen, so sal men hem balemunden, dat ys so sal men hem wten rechten wisen alles vormunscap G. men sal one balmunden dat is men sal one verbieden ende verdelen aller vormunderscap L. So sal men daer na verbalmunden, dat is dat men hem myt rechte verbeyden sal alle vormunderscap. Gr. 2.
5) ende des weldich wesen van des rechtes weghene hores guedes dat se eer unweldich was G.