De Saksenspiegel in Nederland

[p. 36]

tekstkritische noten

1) in Gr. 2 geen opschrift.
2) offt mit rove eens vorloren G.
3) beclaghet mense anderwerve om deefte off om roves se en moghen hem mit horen selves eden nicht ontschuldighen. Mer se hebben. G. mit oren ede nycht untsculdigen L. myt deffte off myt rove verloren heft ende anderwerve dar vor beruchtiget ende aen gesproken wort de en mach hem nicht anders ontsculdigen. Gr. 2.
4) offt den kamp te vechten ende bewisen also syne unschult G.
5) Opschrift naar Gr. 2. Van den de daer eerloes werden. G
6) Wie treudweloes ende hervluchtich wt des rikes deenste beclaghet ende vorwunnen wert den wist men syn ere ende syn leen roeff ende nicht syn lyff G.

Van der de hor rechte mit defte ofte mit roven verloren hebben ¹). XLIX. (I. 39).

Wie sijn recht mit dieft ende mit roven verloren ²) heeft ende anderwerve daer door berucht wert ende aengesproken, die en mach hem niet anders ontsculdighen ³), mer hi heeft drierhande coer. Als dat gloyende yser te draghen, of in enen wallenden ketel te gripen totten ellenboghe toe, of hem te weren teghens den kempen ende also te bewisen sijn onscult ⁴).

Hoer scade is tweerhande, die eerste scade is datse hem also lichtelyc niet ontsculdigen en moghen als die gheen die van enen goeden gheruchte sijn, die ander scade is datse hem sullen weren ieghen den kempen ende hoer kinder, dat sijn lude die daer striden ende vechten om gelt. Ende daer om so werden si scalcbaer als hier voir gheseit is.
Dat kempen recht is gekomen op VII man eden, sonderlinghe in drien stucken. Dat eerste is of men enen doden man aenspreket, den man mit kampe weren woude. Dat ander stuck is of men enen teghe dat hi verraderie ghedaen had of ander sake, die an sijn lyf of an sijn eer ghingen. Dat derde stuck is of men sijnre onderwonde als voir enen gherechte.