wile dat men die lijftucht betughen mach dat se hoer tot horen live ghegheven is. Laetse die lijftucht wt hoerre were so heeft se beide eyghedom ende lijftucht daer an verloren 1).
Nu wil hi segghen of die vrouwen onredeliken ende onrechteliken wouden voert varen met hoerre lijftucht dat men hem daer an gheen gunst en sal doen noch niet behulpelic en sal syn.
Spreect si oec dat die lijftucht hoer eyghen si, dat is dan moghelic dat se beide lijftucht ende eyghen verliest ende dat se mitter twe of besittinghe woude valscheit doen.
Ende al waert oec sake dat den vrouwen al hoer mans goet te pande gheset worde, so machse doch wt den panden hoer lijftucht nemen. Dat recht ende dese lijftucht verliest een vrouwe drierleye wijs. Ten ersten of se onghelovich waer. Ten anderen male of se hoer buten redelike saken sceide van horen echte man. Ten derde male so verliest se dese ghenaden an der lijftucht of se broket in den saken die hier voer geseit syn.
[tekstkritische noot]1) Sprekent se aver dat yt oer eyghen sy und woert sy daer aff gewyset mit rechte se hefft beyden eyghen und lyfftucht daer aen verloren. L. so heft se hore lyftucht daer mede verloren. G.
2) Opschrift uit Gr. 2. Ontbreekt in G.
3) dat ordel horrer gewelt. Gr. 2.
4) sye mogen den gordel der gewalt unde dat recht oers gudes hebben, mercke aver dat wat lantrecht ys des en nemeu sy nicht. L.
Auteursrecht onbekend