Dat scheyden van den wijven is dryerleye. 3) XXXI. (I. 21 § 2.)
Wort oec een man mit recht van sinen wive ghesceiden, si behout doch hoir lijftucht die hij hoor ghegheven heeft an sinen eyghenen erve.
Dat sceiden van den wive is drierhande. Dat eerste sceiden is of hoerre een in een gheestelic leven woude gaen, so sal elc behouden dat hi ghegheven had. Dat ander sceiden is of hoerre een onmachtich worde des natuerliken werkes. Die derde sceidinghe is als hier te voren gheseet is, ende dat compt aldaer van toe, dat hoerre een mit onrechte sake mede voort vaert. Ende om des onrechtes wille so verliest hi mit recht sijn medegave of sijn lijftuchte an sinen eyghenen goede. Ende heeft hi dat als lene so behout hi dat daer hi dat goet aen hadde. Ende men gheve hoer die medegave weder die hoer mede ghegheven is. Ende is hoer niet medeghegheven so behout si doch dat derde deel des goedes of des erves.
Auteursrecht onbekend