De Saksenspiegel in Nederland

Wo vrouwen lijftuch geen man breken en mach. ⁵) XXX. (I. 21 § 2.)

Der vrouwen lijftuht en mach geen man breken, na gheboren erfghenamen, noch niement daer dat goet op stervet ⁶), si en verwerk dat selve also dat se ooftbomen ⁷) up houwede

[p. 21]

tekstkritische noten

of lude van den goede wiset ¹) die totten goede gheboren sijn, hier mede so verliest si hoer lijftucht ²).

Naem oec een man twe wive, die eerste kinder nemen hoerre moeder medegave ieghen horen vader.
Hier seltu merken dat daer acht stucken syn daer een vrouwe hoer lijftucht mede verliesen mach. Die twe eerste stucken die hebstu in den texte. Dat derde stucke is of se hoer selven verredede of versprake an dat rike. Dat vierde is of se hoer echtscap brake mit oncuusheit, hier meent hi van vrouwen die echte mannen hebben. Dat vijfte is wanneer si daer over is dat se horen man van den live brenghen wil. Dat seste stuck is of se met mannen baden buten hoers mans wille. Dat sevende stuck is of si des nachts wt bleve over des mans wille, ten waer dat hise selve wt sloghe. Dat achtende stuck is of se lodderye dreve ieghen sinen wille.
Ses stucken sijn daer oec een man sijn medegave an mach verliesen. Die eerste is of hi dat rike verraden had, die ander sake is of hi des rikes scaden mede weet, die derde of hi sijns wijfs doot ramet, die vierde of hise weerliken vertyen wil, die vijfte ende die seste is of hi in sinen huse een ander wijf boven hoer heeft en des niet laten wil.

1) wisede G.
2) add. eder to welker wys, se oer lyftocht uyt oren weren laet se en weder doe dat bynnen oren rechten dedinghen als se dair umme besculdiget ys L.
3) Opschrift uit Gr. 2. Ontbreekt in G.