De Saksenspiegel in Nederland

Van denghenen dar ghien erve op sterven en mach ⁴) VIII. (I. 4.)

Op domme luden ende op dwerghen ⁵) en mach gheen leen noch erve op versterven ⁶). Ende desghelyc op crepelen. Ende die ghene die hoor erfghenamen sijn ende hoor naeste maghen, die sullen se houden ende voeden ende hoor erve ontfanghen.

[p. 8]

tekstkritische noten

Wort ooc een kint stom of blint, voeteloes of handeloes gheboren, dat mach erfghename wesen tot lantrechte ende niet tot leenrechte. Ende hevet dat kint leen ontfanghen eert aldus gheworden is, daermede en verliest hi sien leen niet. Den malaetschen ¹) menschen en mach gheen leen noch erve op versterven, ende hebben si dat leen of erve eer die siecte ontfanghen ende werden daerna mitter siecte ²), si en verliesen hoer leen noch hoer erve daerom niet ³).

1) den maselsuchtigen L.
2) ende hebben se dat leen offt erve eer dat se de sukede ontfanghen ende werden dar na myt der sukede ontfangen Gr. 2.
3) op den malatischen menschen en stervet noch leen erve eer der sukede ontfaen ende wert dar na seck he en vorluest dat Ieen G.
4) Van des olden vaders erve te nemen. Gr. 2.
5) evenboerdich ys ende Gr. 2.
6) sterft hee daerna eer hie verdelet wort van den vader L.
7) gelyck enen vedderen an oeres vaders stad L. Ende stervet he daer nae eder de vader dat kint nemet synes vaders erve een mandeel ghelyck synen vader G.
8) onbestadet L.