De Saksenspiegel in Nederland

Van wijve te nemen in den vijfte lede. VII. (I. 3.)

Die pawes heeft verboden wijf te nemen eer an dat vijfte lit. Ende ist sake ²) dat hi dat verboden heeft so en mach hi ons doch gheen niewe recht setten, daer hi onse rechten mede mach vernederen of verargheren ³) of verminren).

Dat die pawes gheen niewe recht hier op setten en mach dat is ieghen dat evangelium, daer aldus ghescreven staet: quodcunque ligaveris super terram erit ligatum in celis et quodcunque solveris super terram erit solutum in celis.
Daer antwoerdt die schrift op en seit, die pawes die moet en mach dat wel doen, mer het en boert hem niet te doen, want wat enen anderen behagede te doen dat en mishaghet hem niet.
De pawes mag recht veranderen om drie redenen: 1^e. so wanneer die sake verwandelt daer dat recht om geset is, -. 2^e. als een recht om gude saken geset waer ende dan daerna wort verwandelt in quaden saken, - 3^e. als de pawes daer zonde aen bewiset. Geen dezer redenen is in Saksen aanwezig.