De Saksenspiegel in Nederland

Van die sibbe. VI. (I. 3. § 3.)

Nu sullen wi mercken ende verstaen waer die sibbe beghint ende waer datse eyndet. In den hovede is beteykent man ende wijf die eerliken ende echteliken ²) te samen gecomen sijn. In den hals sijn beteykent die kinder die onghetwiet ³) sijn ende oec die echte geboren sijn van enen vader ende van eenre moeder. Ende ist sake dat daer twijinghe aen is so en mach die een den anderen aen enen lede niet bestaen, mer si trecken an een ander lit ⁴). Nemen oec twie broederen twie susteren ⁵) ende die derde broeder neemt een ander vriemt wijf ⁶) hoir kinderen die sijn ghelike na lant ende erve te ontfanghen, indien dat se echte gheboren sijn ⁷) Onghetwiede broeder kinderen die beteykenen anden leden daer die scouderen ende armen te gader comen ende oec der suster kinderen ⁸). Ende dit is dan die eerste sibbe als men die vriende ende maechscap te gader rekent ⁹) als broeder kint ende suster kint. Die ander sibbe is anden lede der elleboghe, die derde sibbe is aen den lede vorder hant. Die vierde is an dat eerste lit des vorsten vinghers. die vijfte sibbe is in den anderen lede des vorsten vinghers, die seste sibbe is anden derden lede des vorsten vinghers. Ende anden vierde lede is een naghel ende gheen lit, daerom so eyndet daer die sibbe. Ende sijn daerom gheheten naghel maghe ende gheliker wijs dat die heerscilde

[p. 7]

tekstkritische noten

iuden sevenden scilde vergaen, alsoe vergaet oec die sibbe of maechscap anden sevenden lede erve te ontfanghen. Ende die hem tusschen den hovede ende den naghel des vinghers naeste sibbe mach rekene die neemt dat erve te voren. ¹)

1) Die tusschen den nagel unde den hovede sick toe der sibben to geliker staed trecken mogen die nemen dat erve gelike. De sich naer der sibbe thien moeghen die nemet dat herwede to voeren unde dat erve na. Want nu die sibbe sich lenden an der sevenden tael erve to nemende. Alleen hebben die pawese geoorlofft wive te nemen yo in den vijftten grade yn doch en mach die pauwes neen recht setten daer hee unse lantrecht eder leenrecht mede ergere eder krencke L.
2) Ende al yst sake Gr. 2.
3) oft verergeren G.
4) Uit Gr. 2. Wie gheen leen noch erve ontfanghen en mach G.
5) Uppe aeltfyle unde dwergen. L. Op den dumme ende op den dwasen G.
6) mach gheen leen noch ghen erve op versterven Gr. 2.