De Saksenspiegel in Nederland

[p. 5]

tekstkritische noten

1) by dusent jaren ende in den seven dusensten jare so solde de werlt vergaen Gr. 2.
2) geen seker ende wisse stonde Gr. 2.
3) add. des eer nycht en was L.
4) die vryen heren L.G. Gr. 2.
5) De schepenbaer lude ende der vryen heren manne den vyfften unde oer manne voert den sesten. Als die cristenheit L. De schepenbaere lude synt de vyfte ende een eghen ervet man vort den sesten heerschilt. Ende als de kerstenheyt inder sevenden werlt ghene stedicheyt en wet wo langhe de werlt staen sal alzo en weet men nicht an den sevende schilde waer se langhet heerscilde hebben moghen, ende als heerscilde in den sevende voergaet also vergaet uth de sibbe in den sevende lede G. De seste de den heerscilde voren mach dat synt eygen geerffde lude, also als de kerstenheyt in der sevenden werlt geen stedicheyt en weyt noch geen stonde ende en weet wo lange de werlt staen sal also en weet men oc nicht an den sevenden scilde woe se langer heerscilde mogen voren dan nycht Gr. 2.

Van ses werelden. Aen wien die eerste beghinnen. En hoe wi nu in der sevender werelt siin. IV. (I. 3.)

Origenes die propheet die propheteerde hier te voren datter ses werelden souden wesen. Ende elke werelt gherekent bi M iaren ende in de sevender iaer so soude die werelt vergaen ¹). Nu is ons gecondicht van der heyligher scrift dat die eerste werelt began an Adam, die andere an Noe, die derde an Abraham, die vierde an Moyses, die vijfte an David, die seste an Goeds gheboirt. Ende inder sevender werelt so sijn wi sonder wisse ghetal. Ende wi en hebben ghenen sekeren tijd ²).