De Saksenspiegel in Nederland

Van denselven ende ander dinc. CCCXXXV. (72 § 10.)

Nieman ne mach rechtleen in eenre borch behouden daer die here dorwerden ende wachtere becostighet. ³) Verliet die here een goet daer die tynsghelden toe gheboren syn, of hem dat tynsghelt ghecoft hebbe, ende grotes wat dienstes daerof syn sculdich te doene, dat dienst mach die here ledich behouden of hyt wt sceydet⁴), so wanneer hyt goet verliet. Ist oec een vry goet daer nieman tinsrecht an ne hevet noch daertoe gheboren en is⁵), ende bestadet hi dat goet enen gaste, vorderet hem yeman an dienste of bede of herberghe men hem⁶), men doet hem onrecht, want hine is niet sculdich te doene daervan, want hi also weder sinen here ghededinghet hevet.⁷) Gherechte sal hi daer oec soeken ende settinghe. ⁶)