De Saksenspiegel in Nederland

Van momberscap van ander lude leen. CCCXXXVI. (74)

Hevet een man goet in gheweren sonder leninghe ⁹) van voermontscap sines wives of kindes, of laet een man sinen

[p. 187]

tekstkritische noten

broeder syn goet in synre weren sonder des heren wil ende sonder sine witscap ¹), sterft die beleende man, die wile die so ghedane were daer ane hevet ²), spreect hi daer leen an, dat ne mach hi allene op den heylighen niet behouden, of hine moetet tughen of dieghene diet ghedinghe daeran hadde, of die here dient ledich wert biet daer te tughene, dat syn man dat goet in sines lenes gheweren hadde ont an sinen doot. ³) Lenes ghewere moet men tughen mit ses mannen des heren. Ene blote ghewere tughet die man selve mit hem sevenden onbescoudenre lude an horen rechte, so wie si syn. ⁴)

1) sonder des heren wil of wetenscap C.
2) dier wylé dier gheen selke ghewere daeran hevet C.
3) vermet hy hem daer leen an te hebben, dat een mach hy alleen op ten heylighen niet behouden, want leens ghewere moet men daeran betughen C. mach hi allenè op den heiligen niet behalden, hi en moit it tegen off die gene diet gedinge daeraen haddè off den heèr ledich wert biet daer te getugene dat sijn man O.
4) onbesproken luden an horen recht C.
5) Dat is der vrouwen orbaer dat der vrouwen vrient hoer goet ontfaet C.
6) Welc van hen den anderen verlenet, die hevet leenrecht an die goeden jeghen den heer diet hem geleent heeft C.
7) off imans die des herscildes dervet O.