De Saksenspiegel in Nederland

[p. 173]

tekstkritische noten

1) tot des heren nesten huse daer si gewonnen worde O. tot des heren naesten huys daer ghewonnen C.
2) die man en sel binnen leenrecht niet sitten sonder oerlof mach hi niet langher staen hi gae legghen C. en mach hi niet langher staen hi ligge O.
3) moit hi vyt driewereff berait hebben ende in den berait wesen also langhe hint hi mit ordel driewereff weder werde geladen O. om elke reden sel die man oeck beraet hebben ende hem alsoe langhe bespreken want hy mit oerdel drie werven weder wort geladen C.
4) daer om op gedinget is O. om syn bespreck sel hy bliven binnen dien hove daer hy ghedaghet is C.
5) off to vyff scillinghe geldes heet jaerlix van sinen heer die mach ordel scelden ende tuuch wesen O. soe wie den heerschilt derven of die myn dan vyf schellinghe tsjaers heeft van sinen heer die en mach gheen oerdel schelden noch tuych wesen C.
6) die oec myn hevet is dat hy oerdel schelt hy sal borghe setten dat hy syns rechts volcomen sel C.
7) hy een sy des heren man C.

Van des mans ghewedde. CCCXI. (68 § 8.)

Tien pont weddet die man sinen here. So welc vorste oec vaenleen hevet, die weddet dien coninge hondert pont so ghedane penninghe als inder munte ghenge ende gave sijn, daer dat ghewedde binnen ghewonnen is. Beide boete ende ghewedde sal men leisten over viertiennacht wt des heren naesten huse daer se ghewonnen werde. ¹) Die man ne moet niet sitten binnen leenrechte sonder orlof, ne mach hi oec niet langher, hi ligge. ²) Sculdighet oec hem die here daeromme, hi moetet op den heilighen behouden dat hi niet langher staen ne mochte.