De Saksenspiegel in Nederland

Van onrechten leengoede te onderwinden. CCCX. (68 § 4.)

Onderwint hem oec een man sines huusghenotes lenes mit ongherechte, of doet hi hem smaetheit mit woerden ³) of mit daden, die wile dat hi weet dat hi an des heren dienste is, of doet hi onrechte denghenen die tot dien goede gheboren sijn, of dien diet van hem hevet dat goet te lene, dat hi van dien here hevet, daeromme moet hi dien here wedden of hi moet hem dier scout ontsculdighen op den heilighen.⁴) Doch ne is die here niet sculdich te antwordene sinen manne voer dien overen here, hine hebbe hem eer rechtes gheweighert voer sinen tyns ghenoten. ⁵) Die man ne verboert oec ne gheen ghewedde of hi goede volghet ende in sijn volghe verleghet wert, hem ne werde berst an sines goedes tughe.⁶) Of die man hem wisschet of snwt of spiet of yesscet of hoestet of fnyeset of staet in anderhalf sines voerspraken dan hi tot den eersten dede, ende of hi hem omme set ghetoghentlike⁷), of vlieghen, of mugghen of brumesen van hem striket binnen leenrechte⁸), daeromme ne weddet hi niet, al wanen des domme lude. ⁹)