De Saksenspiegel in Nederland

Van den man te besculdighen te leenrecht. CCCIX. (68.)

Die man weddet sinen here om yewelike scout die gheweddes weert is, hine nemet hem of op den heilighen.⁷) Doch mach die here sculdighen sinen man dier scout, daer hi nieweder eet voer ne doet noch scout ne weddet. ⁸) Sculdighet hem oec die here dat hi hem te lastere of te scanden ghesproken of ghedaen hebbe ⁹), des moet hi hem ontsculdighen of moet daeromme wedden. Neemt men enen manne goet,

[p. 172]

tekstkritische noten

dat hi van sinen here hevet¹), ende cundighet hi dat sinen here niet, ende ne vervolghet hyt mit rechter claghe niet, daeromme moet hi wedden sinen here. Set oec wt een man een leen ²) sonder syns heren orlof van dien hyt hevet, die here moet hem wel ghebieden mit ordele dat hyt binnen ses weken lossene, ne doet hys niet hi weddet daeromme.

1) wart een man goet benomen dat hi van enen heer hevet ende kundighet C.
2) Seet oec wt een man syn leen O. Set oec een man leengoet wt C.
3) syns huesgenote leen mit onrecht off doet hi om smaet mit worden O. onderwint hem oec die man syns huesghenotes leen mit onrecht of doet hem smaetheyt mit woerden C.
4) of die dat goet van hem te leen hevet dat hy van dien here hevet daer sal hy den heer om wedden of hem ontsculdighen op dien heylighen C. off den diet van on hevet daer omme moit hi dien heer wedden off hi moit on terstont ontsculdighen op den helighen O.
5) hy een hebbe hem rechts gheweyghert voer syn huesghenoten C.
6) em en werde gebreke aen syns guets tughe O. of hi goet volghe des hy nyet volcomen een mach hy een hebbe an syn tughe ghebrec C.
7) off die man on wisschet off snut off spiet off pynset off hoest off niset off staet in anderhalleff syns voerspreken dan si tot den iersten deden O. of hem die man wisket of vnieset of snutet of hoestet of spiet of dat hy hem hovesliken omme keert of an syn voerspraec treet C.
8) ende off hi om siet getogeliken of vliegen O. of vliegen of mugghen van hem iaghet binnen leenrecht C.
9) al wanent dwase luden C. alle wenen des somme lude O.