De Saksenspiegel in Nederland

Van den selven ende ander dinc. CCCVIII. (67 § 8.)

Openbaer ne moet die man binnen leenrechte niet spreken, maer runen stillike tot sinen voersprake. Vraghet oec die here of hi an syns voerspraken woert liet, hi moet openbare spreken ia of neen ²) of berades bidden of ordel scelden. So wanneer die man in berade gaet ende wedercoemt³), so sal hi brenghen antworde der reden daer hi berades omme bat, ende sal bekennen of missaken.⁴) Biddet die man syn huusghenoten tot sinen berade, die sal hi hem gheven al, sonder drie, dor dat of hi hem te langhe beriede dat hise mit ordele weder inlade. Die een moet dat ordel vinden⁵) ende die twee volghen. Ende ten ne staet oec an des heren wille niet wilke drie hi daer in behoude. Die man neemt te voersprake ende in syn beraet so wie hi wil, des hi sinen here daerinne late drie so wie si syn. ⁶)