De Saksenspiegel in Nederland

Van den selven. CCCVII. (67 § 5.)

So sculdighe hem die here sonderlinge om yewelike zake ende biede hem te rechter antworde. ⁶) So bidde die man omme voerspraken ende om een beraet. Voerspraken verdeelt men oec denghenen die antwordet des heren sculdighinghe eer hi voerspraken neemt. ⁷) Die man ne hevet oec sinen here niet al gheantwordet al spreket hi sonder voersprake, die wile hi hem des weret dan hi mit rechte yet antworden sal. ⁸) An alre reden sal men ⁹) vraghen den man, of hi an syns voerspraken woert liet. Misspreket die voersprake, die wile die man an sijn woert niet en liet, sone scadet hem niet. ¹⁰) Tusschen twier manne reden sel die here vraghen wat daer rechtes omme si. Vraghet hi na sinen wille ende niet na rechten, dat ne scadet

[p. 171]

tekstkritische noten

dien manne niet. So wie oec ordels biddet voer den anderen, des ordels sal eerst ghevonden worden. ¹)

1) Soe wie oec oerdel begheert dies oerdel sel men eerst wysen C.
2) hy moet wel openbaer segghen yae of neen C.
3) wanneer die man syns talmans woerden gheyt ende van syn beraet weder coemt C.
4) bekennen of versaken C.
5) omdat of sy hem te langhe bespraken dat se die heer met oerdel weder laten mach een van dien drien sel oerdel wysen C.
6) die man neempt in syn beraet den voerspreken soe wen hi wil des hi sinen daer in late drie soe wie si syn O. die man mach tot voerspraeck ende tot syn beraet nemen wie hy wil opdat hy sinen heer drie mannen laet oec wie sy syn C.
7) om igelick scolt O. om elker misdaet die gheweddes weerdich is, hy een ontsculdighe hem op dien heylighen C.
8) doch mach die man synen heer sculdighen daer hy noch eed noch ghewedde onsculdich een is C.
9) offte scaden gespreken off gedaen heb O. als dat hy hem te lachter heeft ghesproken of ghedaen C.