De Saksenspiegel in Nederland

Van den selven. CCCXII. (68 § 12.)

Die man ne sel sinen here niet wedden dan driewerf in den daghe. Om yewelike redene moet hi oec driewerf beraet hebben ende in dien berade wesen also langhe want hi mit ordele werde driewerf weder gheladet. ³) Die ladinghe sal hi oec horen, binnen dien hove sal hi oec bliven in sinen berade daer hem op ghededinghet is ⁴). So wie des heerscildes dervet of vyf scillinghe gheldes hevet iaerlycs van sinen here, die mach ordel scelden ende tuuch wesen. ⁵) Die des niet ne hevet bescelt hi een ordel, hi moet borge setten dat hi mit rechte volcome ⁶) of dat ordel mit wedde of mit boete late. Syn borghe ne moet nieman syn hine si van dien here beleent. ⁷)