De Saksenspiegel in Nederland

Van denselven ende ander dinc. CCXCIIII. (65 § 9.)

Is die man daer te ieghenwoerde ⁶) daer hem syn here an dedinghet, also na dat hi syn dedinghe gehoren mach ⁷), of hys niet horen ne wil ende syn oren behwt ⁸), daermede ne mach hi niet weygheren sines heren dedinc ⁹) te soekene. Ne is oec die man te ieghenwoerde niet, daer men hem an dedinghet, die here sal hem den dach condighen of syn bode ¹⁰), daert twee sine manne horen, hem selven of an sinen hof daer syn invaert ende syn wtvaert si. ¹¹) Ne vint hi oec syns selves niet of ne hevet hi so ghedanes hoves niet, men sal hem cundighen dat dedinghe in also ghedaen goet ¹²) alse hi van den here hevet, vertinnacht eer den wtghelegheden dage ¹³) ende enen bode senden die den man eyssche dien hi daer ghededinghet hevet. ¹⁴)