De Saksenspiegel in Nederland

Van leen ende van wedde. CCXCIII. (65 § 6.)

Die here wint oec wedde op dien man die daer ghededinghet is mit ordele in sine ieghenwoerde ⁹) of hi tot dien dage niet ne comet, ten si dat hem beneme rechte noot. ¹⁰) Die here sal sines goedes op des mannes goet verzien dat hi van hem

[p. 163]

tekstkritische noten

hevet. ¹) Die tyns ghelde, ne sal oec den here ne gheen pant gheven dan vore also vele gheldes, alse hi den here sculdich is iaerlics te gheldene ende hi dat noch onder hem hevet. ²) So waer die here syn wedde niet wt panden en mach ³) an den goede, dat die man van hem hevet, daer onderwinde hi hem des goedes voer dat ghewedde. ⁴) Ne ontredet die man niet mit rechte ⁵) binnen iare ende daghe, men verdeelt hem syn goet daer omme.

1) die heer sel syn ghewedde verhalen op des mans goet dat hy van hem hevet C.
2) die tints gelde en sal oec O. die pachter die een sal oec gheen pandinghe liden dan om soe veel als hy iaerlics gheeft te pacht of hy dat noch sculdich is C.
3) So wie sinen heer syn wedde niet vtpanden en mach O.
4) soe verwyst men hem van alsoe vele voer dat ghewedde C.
5) ende ontweddet die man niet mit rechte O. ontredet die man dat nyet bynnen iaer ende dach mit recht C.
6) daer tegenwordich O.
7) syn heer daghet also nae dat hy syn daghedinghe horen mach C.
8) syn oren behoert O. of hy syn oren stopt ende hys niet horen wil C.
9) syns heren dagheding te soeken C.
10) teghenwordich niet daer men om aendedinget die sal om den dach tuuchdigen off sine boede O. niet yeghenwoerdich daer hy ghedaghet wart die heer of des heren boden sellen hem dien dach kundighen C.
11) daer syn invaert ende syn vytfaert si O.
12) ende wort hi syns selves niet O. wint men hem oec selve niet of heeft hi gheen huus of hof men sal hem die dach kundighen in sulc goet C.
13) viertiendaghe eer den ghelegden dach C. viertiennacht eer den vutgelegeden daghe O.
14) ende men sel hem anderwerven ene bode senden die den man eyske daer hi ghedaghet is of daer men weet C.