De Saksenspiegel in Nederland

Van den selven. CCLXIII. (41.)

Of die here ende die man enighe were hem segghen an dien goede ende die bieden te ghetughene⁶), des mannes tuuch gaet voert, want hi dien here des goedes niet ne ontseghet, al hevet hyt van hem te lene. Of die here den man sculdighet dat hi syn goet veriaret hebbe, an synnende of an wttiende, daer mach die man sine onscout voer doen ⁷), die here ne moghe hem vertughen, dattet hem na der iaertale voer sinen man verdeelt si anden goede sonder aensprake. ⁸) Mit ses mannen moet die here sinen manne of ghetughen syn goet. Seghet die here dat hi sinen manne sonder aensprake verdeelt hebbe syn goet ende seghet die man, dat hi ghesunnen hebbe sines goedes of wtghetoghen syn goed binnen synre

[p. 148]

tekstkritische noten

rechter iaertale¹), ende biedet dat te tughene na synre manne rechte, mach die man des volcomen, hi verleghet des heren tuuch mit sinen tuge.

1) dat hi gesonnen hebbe syns godes off vytgetagen syn goit binnen synne rechter iaertale O. dat hy syns goet ghesinnen hevet of binnen sine iaertale daer of getughen heeft C.
2) doch hevet die man die syn goet ontwyset is syn iaertale syn goet daer wt te trecken C. vyt te tyene syn guet O.
3) ende sterft hi binnen dier iaertale dat hy syn goet wt trecken mach hy erftet C.
4) of syn heer sterft vercoept of laet of dat hy hem ontseghet C.
5) hi een hebbet yeghen sinen heer wtghetoghen C.
6) niet wt trecken C.
7) niet wt trecken C.
8) verniewet des mans iaertale C. verniet hi syn jaertale O.
9) des heren daghedinghe mach C.
10) of dat syn heer op syn goet wedde ghewyset is C.
11) of myt recht ontsculdighen C.