De Saksenspiegel in Nederland

Van tuuch te wesen in leenrecht. CCXLVI. (26 § 4.)

Nieman en mach des andres ⁵) tuuch syn te leenrechte, die selve binnen sinen iaren is. So hoe ionc dat kint is⁶) na syns vaders dode, oft syn mombaer tot den here brinct ende syns lenes na rechte an den here sinnet, die here sal hem syn goet lien. Men sal oec den heren borghen setten, of der kynder meer si dan een, datse den heren om hore guet onbededinghet laten. ⁷) So wanneer dat kint binnen sinen iaren beleent wert daer te hant gaet an der manne iaertale hore goet te ontfaen van den kynde.⁸) Die sellen oec daer van dienen den overen heren, so wanneer hem daer dienst gheboden wert alse recht is van den kynde of van des kyndes mombare of die here dat anvelle onverleghen hevet.⁹) An anevelle ne is ne gheen leenrechte noch ne gheen volghen ane dat leen.¹⁰) Doch moet men

[p. 140]

tekstkritische noten

an gherechte anevelle lien¹), daer ne is oec ne ghene volghe an, men ne erftet oec niet an den sone, et neemt oec ende, so wanneer dat beleende kynt stervet of tot sinen iaren coemt. Die wile dat kint van ghenaden of van rechte dat anevelle niet en hevet, die wile ne ist niet sculdich dat dien here te benoemene dat hem die here gheliet hevet. ²)

1) doch moet men aen gerichte wael anevelle lien O. an gherechte wel anghevalle lenen C.
2) en ist niet sculdich den heer toe benomen dat on die here beleent hevet O. niet sculdich den heer te benomen dat hem die heer geleent heeft C.
3) soe sullens sy aender weyden sinnen O. soe sullen sy hoer goet anderwerve sinnen C. andier weiden sinnen A.
4) dat goet niet ontferret al een haddet die vader niet ontfanghen soe langhe als hy hem niet veriaret en hevet C, dat guet niet ontferret alle en heddet syn vader niet ontfangen die wile hi on niet veriaert en heb O.
5) Die here en moet des mans goet niet twien mit latene O. niet scheyden met laten C.
6) Of oec die heren dat mynre deel des mans goede laet dat hy van hem hevet dat een darf die man van niemant ontfaen dan van den overen heer C. off die here des mans goit den minre deel latet dat hi van enen heer hevet dat en doerff die man van nieman ontfaen dan van den overen heren O. dat ne derf die here van A,
7) en duerff oec niet O. een sullen niet dan van enen hoirs heren soen hoer goet ontfaen C.